مارادونا ما مسوقش ل "كوب 22". لمغاربة ما عندهمش علاش يحشمو. اللعابة الدوليين اللي جاو يلعبو فالعيون داوهم لقرية المؤتمر باش يفوحو بيهم

لمغاربة عزيز عليهم يستغلو اي واحد باش يسوقو بيه حدث منظمينو. الجامعة الملكية لكرة القدم جابت وخسرات فلوس صحيحة باش تجيب نجوم عالميين فكرة القدم. كانو ما بقاوش. وداوهم للعيون ولعبو بمناسبة المسيرة الخضراء وكان اشهرهم مارادونا. هاد لشي مزيان غير اللي ماشي مزيان هو ناس "كوب 22" اللي بادي بارد وما مسوقينش ليه لمغاربة واخا فين ما درتي تلقاهم طاليين بيه الدنيا٬ كالو نجيبو هادوك النجوم. وهاد الشي اللي وقع غير هما تقولبو حقاش مارادونا ما داهاش فيهم لحد الان وما جاش مع اللعابة الاخرين.
باش تعرفهم ضاربهم الله هاد المنظمين دارو بيان كان كالو فيه ان وفد من نجوم كرة القدم الدولية يقوده اللاعب المحترف السابق أبيدي بيلي بزيارة لرواق المغرب المتواجد بالمنطقة الزرقاء بقرية مؤتمر الأطراف كوب 22 بباب إغلي. وما كالوش لينا علاش مارادونا ما داهاش فيهم
وباش يغطيو على تخربيقهم كالو هؤلاء النجوم عبروا خلال هذه الزيارة عن دعمهم غير المشروط لقضية المناخ ومحاربة التغيرات المناخية، قبل مواصلة زيارتهم لباقي مرافق المنطقة الزرقاء.
وفي تصريح عن قضية المناخ، أكد النجم أبيدي بيلي أن للرياضيين دور مهم في التحسيس حول قضايا نبيلة مثل محاربة آثار التغيرات المناخية، مشيرا إلى المجهودات الكبيرة التي يبدلها المغرب بتنظيمه لحدث بهذا الحجم.
أما الحارس السابق لمنتخب كولومبيا ريني هيكيتا، الذي تألق أيضا في أندية دولية كبيرة، فقد أبرز أهمية التحام واتحاد البشرية ككل للعمل ضد هذه الآفة التي تمس جميع بلدان العالم.
وأنهى الوفد زيارته بصورة جماعية أمام البوابة الضخمة لقاعة الجلسات الرئيسية، التي تقتبس تصميمها من البوابات المغربية الأصيلة والتي تم إنجازها بقطع خشب متداخلة.
وقد شارك في هذه الزيارة أيضا نجوم سابقون لكرة القدم المغربية كنور الدين النيبت.
وكولو لينا علاش جاو هادو للمغرب ايلى كانت فيكم النزاهة الفكرية.