واش مستشار ملكي عندو الحق يوصف تصريحات شباط ب"غير المسؤولة" اللي تم استغلالها. وناري خرجو الطيب الفاسي الفهري من قبرو باش يسب شباط. بان ضعيف ومهزوز وكيقفقف=فيديو=

الطيب الفاسي الفهري مستشار الملك مليوح. الدليل انه خاصو يكون مع الملك فاديس ابابا ولكن بقى فالرباط ما عندو ما يدار وجابوه اليوم ف"الاولى" اللي شوهات فمناسبة عودة المغرب الى الاتحاد الافريقي. شكلا بان الطيب الفاسي الفهري اللي كان وزيرا للخارجية مهزوز ضعيف ومخلوع. كيهدر ويترعد بحال ايلى فيه الفقصة.
فالمضمون دار واحد السابقة وهي انو جابوه باش يرد على تصريحات حميد شباط بخصوص حدود المغرب وموريتانيا واللي دارت ازمة. الفاسي الفهري قال ان هذه التصريحات خلقت متاعب للمغرب قبل التصويت على انضمامه. هاد الشي عادي اللي غريب هو ان الفاسي الفهري قال ان تلك التصريحات استغلت بالفعل حتى يوم امس من قبل كمشة من الدول ووصفها "بغير المسؤولة" "خلقت مشاكل للديبلوماسية المغربية".
السؤال واش مستشار للملك اللي دورو معروف وهي مؤسسة قائمة الذات عندها الحق تخرج علنيا وتدير تصريح بحال هادي؟ هادي ما عمرها كانت