وشوفو البي جي دي فين كنتي وفين وليتي. العمراني كيطلب من حزبو ما يبقاوش يهدرو على الحكومة وجبد بنكيران

حزب العدالة والتنمية تالف هاد الايام. نايضة فيه. كذبو رئيس الحكومة من اعضاء الامانة العامة للحزب. فهاد الشي اللي وقع خلى سليمان العمراني نائب الامين العام للحزب ماشي بنكيران يخرج ويدير توجيه سماه " "الخوض في تداعيات تشكيل الحكومة".
العمراني عارف راسو ما غادي يسمعو حد. على هاد القبال قال "لقد سبق للأخ الأمين العام الأستاذ عبد الإله ابن كيران خلال لقاءيه التواصليين مع اللجنة المركزية لشبيبة الحزب وبرلمانييه وكذا خلال اجتماعه مع اللجنة الوطنية للحزب، أن وجه مسؤولي الحزب وعموم مناضليه إلى عدم الخوض في تداعيات تشكيل الحكومة وأغلبيتها وانتظار انعقاد هيئات الحزب المعنية لإنجاز التقييم المؤسساتي الذي لن يضير الحزب أن يرتب عليه ما قد يتطلبه من ترصيد للمكاسب أو تصحيح للاختلالات".
واعتبر ان "بعض التدوينات وبعض التصريحات الإعلامية لبعض أعضاء الحزب قد تتجاوز حدود الرأي الحر والنقد البناء مما يتطلب من عموم الإخوة المناضلين والأخوات المناضلات، وهم يمارسون حقهم في التعبير وحريتهم في التفكير، التقيد بالضوابط والقواعد الأخلاقية والسياسية المتعارف عليها فيما بيننا".
كيتكلم خاصة على تدوينة عبد العالي حامي الدين اللي كذب فيها العثماني بخصوص مشاركة الاتحاد الاشتراكي في الحكومة. موحالش شي حد يحتارم هاد التنبيه ديال العمراني.
في المقابل نايضين شي قيادات فالبي جي دي كيحاولو يلمعو صورة ابن عرفة. عرضو عليه للقاء محلي للشبيبة فالقنيطرة اللي فيها ناس ضد بنكيران كمصطفى بابا وعزيز الرباح. ابن عرفة عارف راسو اش دار واللي كيدافعو عليه باغيين يصفيو حساباتهم مع بنكيران بالاساس. المهم شاخضة فالوقت اللي كاين فيه بنكيران فالعمرة