شوراق تخربيقة باش داوه للحسيمة. عندو دور فالبرلماني اللي حرك راسو فابن جرير واول عامل لمدينة الهمة يستحيل يكون محايد

فريد شوراق اللي تعين عامل على الحسيمة تخربيقة كبيرة. السيدة اللي تزاد ف 30 دجنبر 1954 ببركان عندو بزافت الامور تخليه ما ينجحش فمهمتو. اولا من بركان وصعيب صحاب الريف يتقبلو واحد قريب منهم او منهم فهاد الوقت سواء من الناظور او الحسيمة او بركان او وجدة. ثانيا السيد كانل اول عامل على اقليم الرحامنة اللي تحدث لاول مرة ف2010. هاديك الساعة معروف اللي كان عندو دور باش يجي اللي هو ولد الرحامنة فؤاد عالي الهمة مستشار الملك دابا واللي كان مؤسس لحزب الاصالة والمعاصرة.
هنا كيطرح مشكل على حيادو مع الفرقاء السياسيين. هاد السيد اللي حصل على دكتوراه في الاقتصاد من جامعة ليون بفرنسا، بدا حياتو المهنية سنة 1983 كأستاذ باحث بجامعة محمد الأول بوجدة، وفيها ولى ف2002 مديرا للمركز الجهوي للاستثمار بالجهة الشرقية صعيب عليه ياخد مسافة مع الاطراف السياسية فالمدينة.
ينضاف الى ذلك ان هاد السيد عندو علاقة باحراق برلماني البام عبد اللطيف الزعيم تاجر البيوض راسو قبل ايام. غير خرج من عندو من العمالة وشعل العافية بعد ما خداو ليه ارضو ولحقوها لمشروع الفوسفاط بناء مدينة خضراء في ابن جرير
الحسيمة محتاجة لعامل عندو احترام لكافة الاطراف السياسية ما مرتبط بحد الا الدولة وخدمة مصالحها العليا