ابن عرفة الحزب باع القرد وجا يضحك على اللي شراها ومن دابا باغي يعتادي علي المؤتمر المقبل. قال باللي التراجعات اللي كاينة راها مرتبطة بالمحيط الدولي والاقليمي وبغى يقولب صحابو مرة اخرى باش طلب منهم "العمل صفا واحدا" وما كيهمنيش الناس اللي صوتو علي

ابن عرفة العدالة والتنمية اللي كيراس مجلسها الوطني فرشو لسانو. السيد بغى يقول فكلمتو القصيرة البارح "الاعداد للمؤتمر المقبل" قال "الاعتداء". واحد كيدير الطب النفسي كيقول هاد الكلام عندو معاني كثيرة. قدم كلمة باردة بمستوى بسيط جدا كيفاش بحال هادا يكون رئيس حكومة.
ابن عرفة برر ما يعيشه المغرب من تراجعات حقوقية وديموقراطية بما يحدث دوليا واقليميا. يعني ماشي انا راه الوضع الدولي هو اللي كياثر فالوضع الداخلي والتطور الديموقراطي للمملكة
وباش تعرفو اش نو الحل لهاد الشي غاديين تعرفو طبيعة هاد ابن عرفة. قال موجها خطابه لناس حزبو " مطوق برهانات سياسية وتنظيمية كبرى للوطن" وعندو مسؤولية تاريخية وطالب ان يعمل الجميع "صفا واحدا متراصين محافظين على وحدة الحزب"
شفتو على مول الرسائل السياسية الراشدة اللي كيعتبر راسو على رأس الحكومة ابتلاء وما هاموش اللي صوتو عليه بل هامو غير الله. ايلى كان هامك غير الله كيف قلتي سير دير شي زاوية. علاش كاع هاد الانتخابات
هاد الخطاب لقصير ما تسوقوش ليه الناس فالفايس مقارنة بالامين العام للحزب بنكيران اللي شافوه 3 المرات اضعاف ما شافو ابن عرفة