المسيرين ديال الرجاء باعوا لماتش عوتاني ورجعوا اسيرو مع حسبان

تراجع المسرين ديال الرجاء على قرارهم بعقد جمع عام استثنائي، وداروا اجتماع جديد مع حسبان باش ارجعوا للمكتب المسير وكملوا العمل ديالهم معاه، بعدما كانوا باغين اجريوا عليه.
المسيرين للمرة الثانية كيديروا موقف وكيتراجعو عليه بعدما كانوا قدموا استقالتهم ورجعوا عليها، هاد المرة كانوا ناوين اديرو جمع عام استثنائي باش انقالبوا على حسبان، ولكن مني فشلوا رجعوا للمكتب.
الاجتماع غاب عليه رأس الحربة في قيادة الانقلاب حين السنيني، لمبغاهش حشبان ارجع لأنه هو لكيحرض المسيرين، وباغي اساند بودريقة باش ارجع لرئاسة الفريق.
وأخبر حسبان المسيرين أن الجمع العام المقبل غادي اكون عادي، وكلفهم باش اوجدوا التقريرين الأدبي والمالي، باش اعرضوهم على المنخرطين في الجمع العام المقبل في 12 اكتوبر.
واخا وصل الآجال القاوني باش اتوصلوا المنخرطين بدعوات الحضور إلا أن حسبان ممسوقش ومازال مرسلهمش ليهم، وهاد الأمر يعتبر خرقا قانونيا.