باغيين يقولبو الوزير لعرج. ها اش كيتطبخ من ظهرو بين المعارضة وبين احد مدراء وزارة الاتصال المتهم فقضية البطائق الصحافية

علمت "كود" ان هناك تنسيق بين احد مدراء وزارة الاتصال وبين مسؤول كبير في حزب الاصالة والمعاصرة باش يدخلو موضوع الدعم الموجه للصحف المكتوبة والالكترونية للبرلمان. هادي مزيان غير المشكلة ان اللي ورا هاد الشي هو موظف بالوزارة وداير هاد الشي على ظهر وزير الاتصال.
ظاهريا بغاو يديرو هاد الشي ديال الدعم قضية وطنية. هاد الشي مزيان بزاف. خاص نقاش فيها ولكن كيف تقال قبل ماشي مسؤول بالوزارة باغي يغطي علي فضايح بطاقات الصحف اللي حصلات عليها جرائد خارج التاريخ وتقدمات باش تاخد بيها الدعم.
ثم هاد الشي باغيين فالعمق يتحكمو فدعم الصحف. خاص الدعم يكون موجه للجميع اللي محتاجو وخاص المهنيين يبقاو فهاد الملف