قيادي فالتجمع الوطني ل"كود": الرئيس ما قصدت لا بلفقيه ولا غيرو ومال مول الفز كيقفز وهو هدر على المصلحة العامة اللي خاصها تكون فوق كلشي كلشي

استغرب قيادي في التجمع الوطني للاحرار في تصريح ل"كود" من رد عبد الوهاب بلفقيه زعيم المعارضة في مجلس جهة كلميم وادي نون على مداخلة رئيس الحزب عزيز اخنوش اليوم في المؤتمر الجهوي للحزب بكلميم.
المصدر قال ل"كود" "علاش حس براسو مقصود =في اشارة الى بلفقيه=. الرئيس اولا ضد شخصنة هاد الخلافات وكلشي خطاباتو من نهار انتخب كترفض التهجم على الاشخاص او انتقادهم. ثم ثانيا الرئيس قال "لا يمكن التسامح مع أي مسؤول عن عرقلة المشاريع التنموية وحرمان المواطنين من حقهم في خدمات من المفترض أن تحسن واقعهم اليومي" وكيقصد كلشي المسؤولين.
واكد المصدر ل"كود" ان هاد الخطاب واضح وما خاصش مول الفز يقفز. هاد الوضوح يشرحه المصدر في "ان مصلحة المواطن خاصها تكون هي العليا والوحيدة والشي لاخر خاص كل واحد من موقعه يدير شي حاجة باش امور الجهة تتقدم حقاش من غير المقعول يبقى كلشي مبلوكي". المصدر اضاف "دابا هادا بالعكس راه خطاب ديال نوضو كلشي ديرو يديكم فيدين بعض ونساو الخلافات ماشي خطاب كيتاقد هادا ضد هادا".
وكان بلفقيه صرح ل"كود" انه يتفق مع تصريح رئيس الحزب وانه يطالب بلجان تفتيش مركزية فجهة كلميم واد نون