ساركوزي من الداخلة: الصداقة ماشي هدرة بل فعل. اوعشي مولات الوكالة اللي تاخد المارشيات بلا حسيب بلا رقيب جابت صحافية غبية تسول ساركوزي غير باش ترضي عليها سيطايل

نيكولا ساركوزي رئيس فرنسا الاسبق فلقاؤو فالداخلة اليوم الجمعة فافتتاح كرانس مونتانا تحدث على امور كثيرة منها الصداقة. طبعا كيهدر على صداقتو علاقتو بالمغرب. قال ساركوزي “الصداقة ماشي هدرة. بل فعل”.
فهاد اللقاء خرجات عليه هاديك اللي جابتها ليلى اوعشي مولات الوكالة ديال التواصل اللي كتاخد المارشيات بلا مناقصة بلا والو وولات مدخلة انشطة الدولة فالداخلة فجيبها٬ جابت ليها صحافية من اذاعة دوزيم. الغباء المبين. مولات الوكالة جابتها باش ترضي عليها سميرة سيطايل ولكن نسات باللي على هاد على حساب المهنية.
السيدة كتعرف فرنسا ممكن عاشت فيها ولكن الرهانات فالمغرب والصحرا وعلاش داوه للداخلة ما فاهمة حتى وزة. اسئلتها بايخة وخارج الاطار ومستواها ضعيف.
واش ما كاينش فالصحراء الغربية بالجنوب المغربي صحافي قافز؟ طبعا كاين. ولكن باش كيبقى عطيني نعطيك وتهلى في نتهلى فيك كيوقعو هاد لفضايح
كارثة جابتها باش تستجوب ساركوزى كدام الناس فكرانس مونتانا قفراتها بأسئلة باخية وخارج الإطار مرة أخرى تيخسرو حضور رئيس بإخراجرمقود ومولاتو لاترقى لأدنى صحفية