هاد الشي اللي بغيتو. جمعية رجالية تدافع عن بوعشرين . رئيسها ل”كود”: كنعتابروه ضحية وكنطالبو بالسراح المؤقت وما عرفناش هاد الضحايا منين نزلو عليه =فيديو=

اليوم فالصباح كان واحد من الحضور لجلسة محاكمة الصحافي توفيق بوعشرين لابس جاكيط على ظهرها “الجمعية المغربية للدفاع عن حقوق الرجال ضد العنف النسوي”. اييه هادي جمعية كاينة فمكناس وعندها رئيس اسمو فؤاد الهمزي. هو اللي كان لابس هاد الدجاكيط.
“كود” دارت معاه هاد الحوار على سبب حضورو وعلاش كيدافع على بوعشرين وعلاش كيتعتابرو ضحية. تصريحات قصيرة ولكن كافية لظهور هاد الجمعية المثير.
“كود”: اش جيتو ديرو؟
جينا ناصرو الضحية توفيق بوعشرين
“كود”: علاش كتعتابرو ضحية؟
حقاش مازال ما عرفناش القضية فين غادية. كنثيقو فالقضاء ولكن ما عرفناش هاد الضحايا منين نزلو عليه من السما
“كود”: كيفاش تسميهم ضحايا وفين هي قرينة البراءة لا مع بوعشرين لا مع المشتكيات والمصرحات؟
يمكن يكون سراح المؤقت
“كود”: واش كدافع على كاع الرحال فحال هاد الحالات؟
الجمعية المغربية للدفاع عن الرجال ضحايا العنف النسوي كدافع على جميع الرجال ضحايا العنف المادي والمعنوي واللفظي اللي كتقوم به النساء
“كود”: انت غادي تدفع طرف فالدفاع ولا غير ملاحظ؟
اللا غير ملاحظ، جيت من مكناس باش نعرف القضية فين واصلة وهادي اول مرة كنحضر لمحاكمة بوعشرين
“كود”: غادي تنظم لهيئة الدفاع على بوعشرين ولا غير ملاحظ
من مكناش جيت معرف الملف وحنا مع بوعشرين
رابط الفيديو