ولد الرشيد: المينورسو ما غادية دير لينا والو وخاصنا نطبقو الجهوية المتقدمة والصحرا غادية تبقى مغربية

قال الرجل القوي في حزب الاستقلال ورئيس بلدية لعيون ومنسق الجهات الجنوبية الثلاث للاستقلال واللي ربح نزار بركة باش يولي امين عام في “90 دقيقة للاقناع” ان المغرب قدم الحكم الذاتي للأمم المتحدة وللعالم كامل واضاف ان”حنا بايعنا الملك ومافيه غالب ولا مغلوب”
وعاد ولد الرشيد في برنامج “ميدي 1 تي في” اللي داز الليلة السبت “شهر أبريل غادي يكون كل سنة وماغاديش نبقاو نتسناو كل مرة ينوضونا فيها البوليساريو” ووصف الوضع ب”الخطير” والحل عندو هو “لازم نطبقو الجهوية المتقدمة وندير عمالات وهذا لكلام اما نگولو ونأكد اعليه”
واعتبر القيادي الاستقلالي ان قيادة البوليساريو “كتقلب للحرب بيها بغات تنقل مقر لقيادتها للمناطق العازلة وهذا خرق كبير لوقف اطلاق النار” واشار ان موقف الجزائر “ما يهمني” واضاف “متيقن ان الصحرا غادية تبقى مغربية”
وهاجم المينورسو واعتبر انهم ما دارو والو “حنا مانلا لاهي نتمو نحانو المينورسو باش تسوي الوضع راهي فلسطين وقبرص فيهم ومادارو والو” مضيفا “درت 140 علم حدا مقر المينورسو وعلم المغرب كيتغير كل سنة مع علم المينورسو”
وعاد للحديث عن البوليساريو وقال عليهم “راهم باش ماتمشي غالط خوتنا وولاد عمنا وأهلنا .. ولكن هوما مختالفين معانا فالأفكار وبطبيعة الحال هوما غالطين وحنا على الصح بكونا مع المملكة المغربية بيها مايمكن تكون جمهورية صحراوية”