حقارة شي اطباء عندنا. ملايرية وما كيخصلوش الضرائب. واش طبيب تازة اللي لقاو عندو 300 مليون سنتيم ما خاصوش مديرية الضرائب بعد ما لقى البوليس الشفارة

حادثة سرقة طبيب معروف فتازة كيسكب بشارع زيزي بن عطية كتكشف على عينة من اطبائنا. السيد المفروض فيه قاري ومتعلم ومبلغ بحال هادا ما خاصوش يكون فدارو الا ايلى كان باغي يتهرب من شي حاجة بحال الضرائب.
الطبيب تعرض للسرقة فبداية غشت وداو ليه بالضبط 280 مليون سنتيم وهاد السيد معروف فتازة. الشرطة توصلات لفك لغز السرقة.
المشكلة هنا واش باش وصلو لهاد الشي كيعني القضية سالات؟ طبعا للا. دابا خاص مديرية الضرائب تتدخل باش تعرف مصدر هاد لفلوس. ايلى كان من خدمتو خاصو يخلص عليها الضرائب كلها.
احصائيات رسمية كتقول باللي 70 بالمائة من اطباء القطاع الخاص كيخلصو يالله 12 الف درهم للعام. تصورو موظف بسيط جدا فالقطاع الخاص او العام كيخلص اكثر من هاد الملايرية.
كيفاش ولاو شي اطباء فالقطاع الخاص فكازا ملايرية ساكنين فقصور وفيلات وديما مسافرين ويالله كيعطيو للضريبة مليون و40 الف ريال. هادي فضيحة كبيرة بزاف بزاف
هادي وجيبة جات لمديرية الضرائب حتى بين يديها