ها علاش لمغاربة مابقاوش كيتيقو فالمسؤولين وباغيين غا يهربو من لبلاد. شوفو العنصر بالفيديو كيقول أنه ماغايترشحش

امحند العنصر معندوش الوجه علاش يحشم كاع. واحد التصريح ديالو كان خرج بيه على برنامج “ساعة للإقناع” اللّي كتبثو قناة “ميدي1 تيفي” أنه مغاديش يترشح لمنصب الأمين العام لحزب الحركة الشعبية بشكل جازم.
وزاد العنصر في تصريحه لمقدم برنامج ساعة للإقناع: “لم أترشح لمنصب الأمين العام ولو تم تعديل القانون الداخلي وأنا لا أتهرب من الحزب لكن راه كاين طاقات داخل الحزب وخاص غير شويا ديال التسامح بين الحركيين وغادي يوجدو من سيديبر شؤون الحزب”.
العنصر اللّي عشش فالحزب ديال الحركة الشعبة اطلع كذاب بزايد وشوه راسو. اليوم فالندوة الصحفية اللي دار حزبو فالرباط أعلن بشكل رسمي أنه غادي يترشح لهاد المنصب. اوا الله يعطينا وجهك وصافي. السياسيين بحالكوم اللّي خرجو على لبلاد.
لعنصر طلع كذاب: لن أترشح لمنصب الأمين العام
Publiée par GOUD sur Mardi 25 septembre 2018