دقة تابعة دقة. المغرب غادي يعلق كاع اتفاقيات التعاون القضائي مع هولندا بعد رفض تسليم شعو حقاش قضاءنا ماشي نزيه

خلال لقاء لوزير الخارجية والتعاون ناصر بوريطة بالصحافة الخميس الماضي لم يعلق على قرار القضاء الهولندي عدم تسليم سعيد شاعو الى المغرب حقاش قضاءنا ماشي مستقل كيف گالو ناس هاد لبلاد.
وزير الخارجية والتعاون وعد فقط بان هناك رد مغربي غادي يكون وانه سيشمل ما هو قضائي وما هو سياسي.
كما اكد ان وزير العدل محمد اوجار سيعلن عن ذلك. ما قدمتش تفاصيل ولكن باش يقول وزير العدل غادي يعلن على ذلك فاكيد ان المغرب غادي يكون ردو قوي وهاد المرة ممكن يوقف التعاون القضائي كاع.
الازمة مع هولندا غادية وتكبار. دخلات فقضية حراك الريف وحذرات مواطنيها من اصول ريفية المجيء الى الحسيمة حقاش يقدرو يتشدو ونقلات محاكمة زعماء الحراك الى البرلمان الاوربي ووزير خارجيتها دخل فيه بزاف تزاد على هاد الشي قضية شعو اللي طلب المغرب يتحاكم هنا. ردو عليهم الهولنديين بعد فترة: قضاءكم ماشي نزيه
المغرب كيكول للهولنديين ديوها فسوق راسكم. الهولنديون كيردو انتما دولة ما فيهاش شروط المحاكمة العادلة.