الماص: الجامعي قدم الاستقالة ديالو والمدرب مشا بحالو

omarelmouzaine@gmail.com
الماص غادية وكتاكل لعصا. مصادر مصاوية، كشفت ل”كود”، أن الملياردير اسماعيل الجامعي لي الوالد ديالو كان ضد الفكرة ديال يكون ولدو ف التسيّير ديال فريق المغرب الرياضي الفاسي قدم الاستقالة ديالو من المكتب المسير.
وتوصّلت “كود” بالاستقالة ديال الجامعي لي أكد فيها عن انسحابه من التسيير ديال الفريق الفاسي بصفة نهائية، مخبرا فيه أن هاد القرار اتخذه بمحض إرادته عن قناعة تامة لأسباب ذاتية ولشي ظروف قاليك خاصة كتعلق بيه. هاد التبرير لي كيقول الجامعي كولو خاوي حقاش المصاويين وكولشي عارف علاش الجامعي قدم الاستقالة ديالو و”كود” غادي ترجع للموضوع.
وعلاقة بالماص، علمت “كود” ان فريق الماص لي مزال كيلعب ف القسم الوطني الثاني أقال رسميا الإطار الوطني هشام الإدريسي بعد تحقيقه لمجموعة من النتائج السلبية خلال الموسم الكروي الحالي 2019/2018. ودبا مزال غادي تقون استقالات ف الفريق. فقد أكد الرجل القوي داخل الفريق رضا الزعيم أنه حتى هو غادي يقدم الاستقالة ديالو حقاش الجامعي مشا بحالو.