مريم حسين كتختار الحولي على حسب وجهو. وشدات صدارة أخبار المشاهير فالخليج -فيديو

المغربية مريم حسين مازال شادة راس السوق في خبارات المشاهير في الخليج بعد قصتها المضحكة في اختيار حولي العيد لي كتشوف فيه وجهو واش زوين ولا خيب.
بنت أكادير بارطاجات ستوريات ملي كانت كتقلب على الحولي وولاو هاد الفيديوهات هوما الأكثر انتشارا وتشافو آلاف المرات وهي كتضحك وفرحانة بهاد البوز لي دايرة.
وبانت مريم فرحانة بهاد الانتباه لي حظات بيه، وقالت فستوريات سناب شات أن كلشي كان عفوي ومكانتش كتظن أنه غادي ينتاشرو لهاد الدرجة.