واش الجدارمية سباب الشغب ديال الهراويين.. الجمهور العسكري كيطالب بتحقيق نزيه – فيديو

الأحداث المؤلمة، لي كانت فمنطقة الهراوببن قرب الدار البيضاء البارح فالسبعة ديال العشية قبل الماتش الوداد والجيش الملكي في سدس كأس العرش، غادي تسبب فقرارات مصيرية، خصوصا الدرك الملكي، لي كان عليهم يأمنوا تنقل الجماهير بلا حتا مشاكل.
هاد الشغب للأسف، لي وقع نتيجة مواجهات بين جمهور الجيش الملكي وأنصار إحدى الفرق البيضاوية، خلف مصرع مشجع عسكري وواحد حالتو حرجة، وأخرين أصيبوا بجروح متفاوتة الخطورة.
جمهور الجيش الملكي هجمو عليهم ولاد الهراويين هادي راه حرب ماشي كورة
Publiée par GOUD sur Mercredi 25 septembre 2019
البارح مشا المدرب عبد الرحيم طالب عند المشجعين المضروبين للطبيب باش يؤازرهم.
الجمهور العسكري حمل المسؤولية للأمن والدرك، لي مادورش خدمتهم، خاصة الدرك، لي موفرش العدد المطلوب باش يحمي المشجعين العسكريين.
انصار الجيش نشروا فيديوهات على مواقع التواصل الاجتماعي كيؤكوا فيها أن موطور واحد، هو لي كان فوقت الصداع، وان المواطنين حرروا الطريق بوحدهم في غياب الأمن والدولة.
الجمهور العسكري كيطالب بتحقيق نزيه على هاد الأحداث ومعاقبة المتسببين فيها. هادشي لي بغاه اليوم قبل غدا.