قضية “حمزة مون بيبي”. الحبس اه البيزنس اللا.. أخت سكينة كلامور واقفة ليها على مشاريعها وخدامة فالبيع وشرا

البارح الحسابات ديال سكينة كلامور لي مشدودة في الحبس في قضية الابتزاز والتشهير عبر حساب “حمزة مون بيبي” رجعو خدمو. الكونت في انستكرام وسناب شات شداتهم أختها لي دارت لايف دخلو ليه 6 الاف واحد في 5 دقايق الاولى.
اخت سكينة مبيناتش وجههار وطلبات يدعيو مع ختها في هاد المحنة، واخة هي غارقة حتال الوذنين، وكشفات أنها مغاديش تدوي بموضوع الحبس بقدر ما دارت البث المباشر باش تدوي في الخدمة لي هي بيع الحوايج، وشفران وزيد عليهم صورات ريسطو لي حلات.
عدد من البنات لي كانو في لايف لاموها علاش جالسة تصور في الحوايج وختها في الحبس وجاوبات “واش بغيتونا نموتو، خاص نوقفو على شغالنا ونعاون ختي في مشاريعها لي خلات باش نعيشو.. وهادشي محنة وغادي دوز”.
ومازال قضية حمزة مون بيبي غادة وكتكبر، والتحقيقات مستمرة باش يشدو مبحوثين عليهم اخرين.