أوشن وخاليلوزيتش ورطوا الجامعة مع بوميل وهاعلاش

روبيرت اوشن، المدير التقني للجامعة ووحيد خاليلوزيتش، الناخب الوطني و رطوا الجامعة مع المدرب الفرنسي باتريس بوميل، المدرب السابق للمنتخب الوطني أقل من 23 عام.
اوشن جرا على بوميل من الإدارة التقنية ومبغاش يكون معاه، الشي لي خلا الجامعة ف موقف حرج، خصوصا عندها كونطرا مع بوميل حتى ل2022.
الجامعة اقترحت على خاليوزيتش تعيين بوميل مدربا مساعدا بالمنتخب الاول، لكن حتا هو ما بغاش يكون معاه، لأنه طريقة خدمتو مختلفة، ومن حقو يشوف شي مدرب، لي كايناسبو.
فوزي لقجع غادي يقلب فين يبلاصي بوميل، باش ما يضطرش يفسخ العقد معاه، لأنه سيكون مجبرا على دفع مبالغ كبيرة ليه، خصوصا إلا ارفض المدرب الفرنسي يمشي بمحض الإرادة ديالو.
أما إلا ما بغاش يمشي وتمسك بالكونطرا ديالو سيكون على الجامعة دوافع راتبه حتا ل2022، علما انه يتقاضى 50 مليون شهريا من الجامعة، وهو المبلغ، لي كان كيشدو منين كان هيرفي رونار مدرب المنتخب المغربي.