مجموعة بلخياط الاعلامية رجعات “اولا” لخزران وها بشحال. حتى خبر طلاق محمد السادس ما تعطاش ليها وخداتو المجلة الام بالاسبانية

علمت “كود” ان مجموعة منصف بلخياط الاعلامية “كروس وورد” باعت مجلة “اولا” النسخة اللي كانت تطبع فالمغرب. قيمة الصفقة كان قليل وفق مصدر “كود” يالله جوجت المليون درهم. اللي وقع هو ان خيزران اللي كانت فملكيتو وباعها لمنصف بلخياط باش يالله شرى الموقع الاخباري “لوسيت انفو”٬ عاود رجع هاد المجلة ليه.
وفق مصدر “كود” فان ثمن البيع كان فحدود 2 مليون درهم وكان شراها باقل من مليون درهم مع شوية الديون.
حسب مصدر “كود” فان هاد البيع جا حقاش المجموعة “ما شافتش عندها مستقبل ربحي مناسب كيف كانت معولة عليه”. طبعا كاين حتى قضية عدم نشر المجلة لصور حصرية خاصة بها كيف كان الاتفاق فالاول٬ خاصة صور كتهم المغرب وحتى مثلا خبار طلاق الملك محمد السادس من الاميرة لالة سلمى كانت انفردات بيه “اولا” الاسبانية ماشي النسخة المغربية.
للاشارة فان منصف بلخياط هو اهم مساهم فمجموعتو شركتو "كروس وورد" ولى كيملك 51 بالمائة بعد اندماج مواقع اخبارية لهاد هاد الشركة و"ساهام ميديا فوند" اللي كانت كتملك "لزيكو" و"اوريزون تيفي". ساهام عندها 34 بالمائة فيما باقي اسهم المجموعة غادية تكون موزعة بين "سانام" ديال سعيد لعلج والصحافي سمير شوقي.