باش تعرفوه فشي شكل. العالم مشغول مع “كورونا” وبوريطة داير مباراة لمنصب مديرية التواصل. معروف مسبقا شكون غادية تاخدها ولخراين غير طوكارات وصافي

علمت “كود” ان وزارة الخارجية والتعاون دارت مباراة هاد ليام لمنصب مدير مديرية التواصل فهاد الوزارة. هاد بوريطة مدور بيه بزاف ودار هاديك لفضيحة ديال فيديو نساء الخارجية يوم 8 مارس اللي ما يطيحش فيها حتى تلميذ يالله بدا التواصل. عنصرية وخطاب متخلف وتصوير رجعي.
اللي شارك فالكونكور وفق مصادر “كود” شي من الخارجية وشي خارج الخارجية. للي كيعرف بوريطة كيعرف باللي جاب شي موظفات فالخارجية غير طوكارات وصافي. المنصب معروف شكون غادي ياخدو.
بوريطة داير الخارجية بحال ايلى وارثها. ولى كيدير كلشي. ما عندوش كاتب عام وهادا هو المنصب الاساسي ولكن باغي يدير خدمتو. عندو مديريات خاوية واللي هامو هو صورتو.
بوريطة اللي ورط المغرب فتصريحات غبية سواء ضد المانيا او ضد موريتانيا واللي الرباط كيتخلص عليهم غالي مازال زايد فيه.
واش وقت كورونا فيروس اللي خاص الديبلوماسية تسوق لمواطنينا فالعالم هو وقت تجيب اللي بغيتي لمديرية التواصل.
هادي فضيحة ولكن بنعرفة ما يقدرش عليه.