من بعد الانتقادات لي جاوها بخصوص اختيارها لربيع الصقلي، لبطولة مسلسل "عنبر وياقوت"، خرجت الفنانة نورة الصقلي باش تدافع عليه وعلى اختيارها ليه بحكم أنها مسؤولة على جزء كبير من الكاستينگ. نورة الصقلي لي هي كاتبة السيناريو ديال المسلسل الرمضاني، حطات تدوينة على حسابها في انستكَرام، وقالت فيها ان ربيع الصقلي ما كيقرب ليها والو وتشابه الاسم العائلي جا بالصدفة فقط، وهادشي كيعني أنه ما داخلش للمسلسل بواسطة. نورة الصقلي قالت أنها تعرفت على ربيع الصقلي لأول مرة في بلاطو تصوير مسلسل "عنبر وياقوت"، وما كانتش كتعرفو من قبل، ولكن لقات فيه شاب طموح، وفنان مهووس بالعمل ديالو، الحاجة لي خلاتو يكون من عائلتها الفنية. وتعرض ربيع الصقلي لبزاف ديال الانتقادات بسبب الظهور ديالو في المسلسل الرمضاني، وهادشي راجع لكون شهرتو جاية غير من أنستكَرام وصافي، ماعمرو ماتعلم التمثيل.. مانعرفت فوقاش المغاربة غادي يفهمو انه باش تكون ممثل مزيان ماشي ضروري تكون قريتيه، بل بلعكس بزاف ديال العمالقة دالسينما عمرهم قراوه ولا حطو رجلهم فمعهد او مدرسة، بحال توم كروز وجينيفر لورنس وجوني ديب وميل گيبسون، ومارلين مونرو.. وزيد وزيد. هادشي طبعا ماكيعنيش ان ربيع الصقلي ممثل من مستوى هاد الناس المذكورين، ولا حتى ممثل مزيان، ولكن كونو جاي من مواقع التواصل، ولا كان سرباي ولا استاذ ومن بعد اختار التمثيل مكيعني حتى حاجة ومكيحيد من الموهبة والو. هاديك اما عندك ولا لا. View this post on Instagram أول حاجة بغيت اللي كيسول يعرفها ، هو ان ربيع الصقلي ماشي من عائلتي وتعرفت عليه لأول مرة فبلاطو تصوير مسلسل ياقوت وعنبر، فاكتشفت فيه وعن كتب الشاب الطموح والفنان المهووس بعمله، والذي يعمل جاهدا بحب وجد للإخلاص فيه. تحية لك يا فنان ، دابا انت من عائلتي الفنية ، نعم الأخلاق ونعم الإنسان . تحياتي أيها الفنان ????????????♥️♥️♥️. @rabii.skalli @yakout.w.anbar.officiel @azizhattabofficiel @fatimazahraqanbouaofficiel @samia_akariou @foulaneelmehdi @nokrykhalid_officiel @nesbros2013 @hanane.rida @tamtaouihasna @saadmouaffak1 @sandia.aboutajedyne @hind__benjbara @zaroualkhadija @monssefkabri @mkallechamine @larbi_ajbar @nada.haddaoui @sedkihouda_officiel @ritalagzouli @ahlamcharafeddine #quarentine #quedateencasa #restezchezvous #stayathome #بقا_فدارك_باش_تحمي_بلادك #احبكم_متابعيني ♥️♥️♥️ A post shared by Nora Skali (@noraskaliofficial) on May 22, 2020 at 7:09pm PDT
