نايضة فتطوان.. محامية جبدات الصداع. اتهمت مسؤول قضائي بالفساد بلسان صديقها الموثق المشهور والنقيب ينفي

تفجرت فضيحة كبرى بتطوان بعد إقدام محامية على اتهام صديقها الموثق المشهور الذي تدعي خلافها معه، وجاء في الإتهامات بالرشوة والابتزاز لمسؤول قضائي.
هادشي خرجاتو المحامية فوسائل التواصل هاذي يوماين.
وهاد الموثق راه متابع قضائيا بمحكمة الإستئناف بتطوان في قضية كبيرة بزاف معروفة ب "الكواز ومن معه" واللي تعتبر أكبر فضيحة نصب واحتيال عقاري في الشمال.
الضحايا فهاد القضية د النصب والاحتيال واللي بيعت لهم نفس الشقق أكثر من مرة، مسكتوش، حيث عندما سمعوا بحملة موجهة ضد القضاء في تطوان، وقفوا وقفة وحدة وداروا بيان شديد اللهجة دافعوا فيه على محكمة الاستئناف بتطوان ونوهوا بنزاهة المسؤولين القضائيين فيها.
الضحايا أكدوا في ذات البلاغ أنه لولا جدية القضاء بمحكمة تطوان لما تمكنوا من استرجاع أموالهم المنهوبة، واللي بلغ مجموعها مليار و500 مليون ! حيث لما تم اعتقال الموثق ناض صيفط مرتو للتفاوض مع الضحايا باش ترجعليهوم فلوسهوم مقابل تنازلهم عن متابعة زوجها.
من جهتو، النقيب ديال تطوان، كمال مهدي، معجبوش هادشي كامل، ناض هاد الصباح أصدر بلاغا ينفي فيه كل ما جاء على لسان المحامية، ونقل عن الموثق، اللي هو فنفس الوقت الموكل ديالو، بكون كل ماذكرته المحامية في وسائل التواصل الاجتماعي هو مجرد افتراءات وأكاذيب..
يمكن مازال الجديد غدي يبان فهاد الملف الساخن والشائك، المهم تبان شي حاجة ها حنا معاكم.. دوزوا بخير.