الوضعية الوبائية لفيروس كورونا فهاد 24 ساعة: 244 تصابو و67 تشافاو و2 ماتو.. الطوطال: 11877 و8723 متعافي و220 متوفي و2934 كيتعالجو

علنات وزارة الصحة على تسجيل 244 إصابة بفيروس كورونا المستجد فهذ 24 ساعة الأخيرة، وهكذا وصل عدد المصابين فالمجموع ل11877.
وقالت مسؤولة فوزارة الصحة، فالندوة اليومية للترصد الوبائي لفيروس كورونا المستجد، أن جهة كازا سطات هي اللي سجلات أكبر عدد دالحالات (75)، تابعاها جهة العيون الساقية الحمرة ب62 حالة، ثم طنجة تطوان ب52 حالة، وفاس مكناس 23، ومراكش آسفي 22، والرباط سلا 5، وجهتي بني ملال خنيفرة والداخلة واد الذهب 2، ثم جهة كَلميم وادنون سجلات إصابة واحدة.
وتسجلات 67 حالة شفاء اليوم، ووصل المجموع ل8723، بنسبة تعافي د73,4 فالمية.
وتسجلو جوج وفيات جديدة، ووصل العدد فالمجموع ل220 وفاة، أي بنسبة إماتة د1,9 فالمية.
وارتفع عدد المصابين اللي كيتعالجو ل2934.
بالنسبة للمخالطين، وصل العدد ديالهم ل64191، مازال 9199 تحت المراقبة.
ووصل مجموع الحالات المستبعدة ل621617 بعد ما خرجات تحاليلهم سلبية.
وهذا التوزيع الجغرافي للإصابات بالنسبة المئوية: