فضيحة المجلس الجهوي للسياحة بفاس اللّي جاب سعد لمجرد المتهم بالاغتصاب باش يروج الحركة فالمدينة وصلات للبرلمان.. البرلماني الحارثي ل"كود": هاد المجلس معندوش أصلاً الشرعية وركب على زيارة هاد المغني

فجّر النائب البرلماني المنتمي لحزب العدالة والتنمية، محمد الحارثي، الفضيحة اللي قام بها المجلس الجهوي للسياحة بمدينة فاس بعدما جاب سعد المجرد المتهم بالاغتصاب فجوج قضايا ففرنسا، للمدينة باش يروج الحركة للمدينة اللّي كلات العصا بزاف.
وأكد البرلماني الحارثي بلجنة القطاعات الإنثاجية بمجلس النواب أن هاد المجلس الجهوي للسياحة اللّي فاقد الشرعية جاب هاد الفنان اللّي مكاينش عليه إجماع، في إشارة منه لسعد المجرد اللي كان عاد عاد ففاس.
في مقابل ذلك، عبر الحارثي في تصريح ل"كود" عن أسفه اتجاه المجلس الجهوي لفاس بدون مكناس الفاقد للشرعية، مضيفا بالقول: للأسف ركب على هاد الزيارة الخاصة وسوق لها وكأنها مبادرته في خرق للخصوصية".
وبعدما رد المجلس الجهوي للسياحة عن مداخلته، زاد الحارثي: "مع الاسف ان اسمي دكر بالصفة البرلمانية بطريقة فجة وتم ربطه باسم فنان زار مؤخرا مدينة فاس وعلمت صباح اليوم باتصال هاتفي من طرف السيدة التي نظمت هذه الزيارة أنه كان في زيارة خاصة لمدينة فاس وهذا لم يكن موضوع مداخلتي بالعكس".
المجلس، ومن بعد الصدع اللي ناض، بغى يتهرب، وقال انه معندو علاقة بزيارة سعد المجرد لفاس. وعلاش اذا روجو للزيارة في الصفحة الرسمية ديالهم على مواقع التواصل الاجتماعي؟