المغرب مبقاش مسوق لفرنسا وربحها فتدبير الجايحة والفاكسان.. البروفيسورة بركات عضو اللجنة العلمية ل"كود": اللي عندو 65 عام لفوق غايدير فاكسان استرازينيكا بلا أي مانع وحنا ماشي مجبرين نتبعو فرنسا فأي قرار خداتو

أكدت البروفيسورة امنة بركات، عضو اللجنة العلمية للتلقيح بالمغرب، إن "اللجنة العلمية في المغرب قررت بأنه يمكن استعمال لقاح استرازينيكا بالنسبة للفئة العمرية التي تفوق 65 سنة بدون أي مانع".
وأوضحت بركات ل"كود" :"أولا الاستعمال ديال استرازينيكة للفئة لي عندها 65 سنة فما فوق هذه، عندو عدة اسباب، أولا هاد الفئة العمرية داخلة فالتجارب السريرية، وثانيا الملف ديال الفاكسان مافيهش تا شي حاجة كاتمنع نستعملو الفاكسان للناس فوق 65 سنة".
وتابعت "حتى تصريحات الشركة المصنعة مافيهش مانع يتسعمل الفاكسان لهاد الفئة العمرية، إضافة إلى أن دول كثيرة استعملت الفاكسان لهاد الفئة، ومنها بريطانيا".
وشدد بركات عضو اللجنة العلمية بالقول:"نحن ماشي مجبرين نتبعو فرنسا في أي حاجة"، مؤكدة على سيادة القرار العلمي المغربي.
وأوضحت المتحدثة أن "اللجنة العلمية المغربية خدا قراراها استنادا إلى مصادر علمية وعندها الصلاحية التامة تقرر شنو يصلح وشنو مايصلحش للمواطنين ديالنا، وحنا فمواقع التلقيح كنفسرو هادشي للناس لي كيطرحو الاسئلة".
دبا مع الكلام اللي كتقول اللجنة العلمية المغربية، يبدو ان فرنسا لاتتقن سوى صناعة ادوية من نوع دوليبران وكتغطي عن عجزها في صنع اللقاح بانتقاد استرازينيكا.
ماشي غير هادي، بل حتى عضو اللجنة العلمية عز الدين الابراهيمي، قال شي مرة، بلي فرنسا أبانت عن عجزها، وبأنها مكانتش فالموعد مع صديقها التلقيدي المغرب، وبلي خطأت فتدبير الجائحة (من الكمامة، الى الحجر الصحي، وصولا بالفاكسان).