قضية الصيد البحري مع الاتحاد الاوروبي.. هاد الصيف غاتحكم المحكمة الاوروبية فالموضوع

من المنتظر ان تفصل محكمة العدل في الاتحاد الاوروبي، هاد الصيف فقضية اتفاقية الصيد البحري والمنتجات الزراعية، اللي موقعة بين المغرب والاتحاد الاوروبي.
هاد القضية لي باغيا بيها البوليساريو تمنع المغرب انه يوقع اي اتفاقيات، او تدخل اي شركات للصحرا، حقاش كتقول ان المغرب كينهب خيرات الصحرا، وهي الهضرة اللي كان هضر عليها الملك وقال ان المغرب كيصرف على الصحرا وكينميها بفلوس اكثر من ناتجها.
موقع "ال كونفيدينسيال"، هضر على هاد القضية، وقال ان المستشار القانوني للمفوضية الاوروبية فرناندو كاستيو دي لاتوري، نبه القضاة الخمسة اللي غايحكمو فهاد القضية، ان الحكم ديالهوم تقدر تكون عندو تداعيات خطيرة، ويقدر يكحل العلاقة بين الاتحاد الاوروبي والمغرب، وخصوصا مع اسبانيا.
وكانت البوليساريو رفعات دعوى ف2019 باش تطعن فاتفاقية الصيد البحري لي دارت بين المغرب واوروبا، بعد تجديد الاتفاقية على اثر احكام المحكمة الاوروبية الثلاثة بين عامي 2016 و 2018.
https://www.elconfidencial.com/mundo/2021-03-08/la-proxima-crisis-con-marruecos-tiene-fecha-a-principios-de-verano_2983148/pass_df79a5a6e541114d4e1cafcfcb0fab68/?_overwrite=true&m=1615231388999