تفاصيل جديدة فقضية حبس يوسف العربي.. هو وعائلتو سلخو جوج قاصرين.. واللعاب: ماشي بصح انا غير صرفقت واحد منهم

كشف موقع "RMC Sport ‏" الفرنسي، على تطورات جديدة ف قضية اللعاب يوسف العربي، مهاجم نادي أولمبياكوس، بسبب اتهامات بتعنيف قاصرين ف 2017 مع خوه ونسيبو.
ووضح موقع "RMC Sport ‏" ، أن العربي تحكم عليه بالحبس 3 سنين وحدة منها نافذة، وتحكم على خوه ونسيبو بنفس العقوبة.
والمحكمة غرمات العربي 3000 اورو، وغادي يخصهم يخلصو 13400 اورو كتعويض.
وقال الموقع ان المحكمة صرار حكمها غيابيا فحق العربي حيت كان ف اليونان، والمتهمون الآخرون حضرو وتحاكمو فقضية الاعتداء بالضرب على جوج قاصرين عندهم 13 و16 العام.
واضافت "RMC Sport" أن القاصرين قتلوهم بالعصى بعدما لاحو قراعي على البالكون ديال عائلة العربي اللي كانت محتافلة بالعيد الصغير من داك النهار فيونيو 2017.
وبين التقرير أن العربي والاخرين قالو للمراهقين يجمعو الجاج المهرس،تحت السبان والتهديدات، ولكن المهاجم المغربي نفى هادشي أمام المحققين، وقال انه غير صرف واحد منهم باش يكالميه وصافي.
https://rmcsport.bfmtv.com/football/youssef-el-arabi-condamne-a-un-an-de-prison-ferme-pour-violences-sur-mineurs_AN-202105260461.html