قيادي سابق ف"الاصلاح والتوحيد" متابع رسميا بالتحريض على ذبح استاذ التاريخ صامويل باتي

عبد الكريم الصفريوي احد مؤسسي الاصلاح والتوحيد الجناح الدعوي لحزب العدالة والتنمية غادي يتابع فقضية ذبح الشيشاني الداعشي عبد الله انزوروف٬ لاستاذ التاريخ الفرنسي صامويل باتي بفزنسا. فقد رفضت جنايات باريس تمتيعو بالسراح المؤقت.
هاد المحكمة اكدات متابعتو بالمشاركة في جريمة قتل لها علاقة بعمل ارهابي.
دابا هاد الصفريوي وفق تصريحات محامية باتي لعب دور اساسي فقتل هاد الاستاذ من خلال التحريض والتجييش.
هاد الصفريوي اللي كان ففاس ومشى لفرانسا وولى داعشي محرض على الكراهية والقتل٬ متهم كذلك من قبل اب احد التلاميذ باستهداف صامويل باتي من خلال بث فيديوات. وقال ان هاد الفيديوات هي اللي سهلات العمل الاجرامي
دابا نايضة ففرانسا على ليفاي اللي وقعات فهاد الاغتيال الداعشي٬ كيفاش ما ردوش البال لهاد الشيشاني وعلاش نساو هاداك الداعشي المغربي الصفريوي.
ضربة طبعا حتى لجماعة الاصلاح والتوحيد اللي كتقود الحكومة المغربية٬ كيفاش وصل قيادي منها لرئاسة الحكومة بحال العثماني ووصل اخر يولي منظر للقتل والتدمير والكراهية ففرانسا؟