وناري مازال حي يعيث فسادا. ولد زروال داير مسيرة جديدة باش ياخد غرفة الفلاحة بالقوة وجر صحاب الوردة عندو واخبار عن بحث قضائي فيه تسجيلات السماسرية اللي عرضو 100 مليون باش ما يجيوش الاعضاء

كلنا عاقلين علي "مسيرة ولد زروال". هاداك ديال البام اللي كان سباب سقوط حزبو التراكتور فانتخابات 2016. هاد ولد زروال مرشح لرئاسة غرفة الفلاحة فجهة الدار البيضاء. الانتخابات كانت نهار الاثنين فمقر غرفة الجهة بالجديدة وتأجلات حقاش ما كانش النصاب.
فالحقيقة ماشي ما كانش النصاب ولكن وقعات فضايح والسلطات ما يمكنش ما يكونش فراسها٬ باش ما يكتاملش النصاب.
دابا الاثنين الجاي غادية تعاود الانتخابات وهاد المرة اللي جاب الاغلبية من مجموع الحاضرين غادي يطلع رئيس. الغرفة فيها 76 عضو. صحاب لحمامة عندهم 22 عضو وعندهم تحالف يقدر يربح لكن ولد زروال معول على مسيرة جديدة يدير فيها كثر من اللي دار فمسيرة الدار البيضاء هادي سنوات.
فقد توقعت مصادر ل"كود" انه في اطار محاربة الفساد وترهيب المنتخبين فالغرفة ان هواتف اعضاء وسماسرة دارت تحت المراقبة باش يوجدو ليهم شي متابعة.
دابا ولد زروال مشاو معاه منتخبون من الاتحاد الاشتراكي. طبعا كاينة اغراءات كثيرة ووعود اكبر. واحد كذب عليهم وقال باللي قبيلتو قالت ليه ايلى ما صوتيش على ولد زروال ما ترجعش عندنا. قبيلة من الشاوية تقول هاد الهدرة على واحد من دكالة راه كذوب وزفوط وصافي.
السلطات خاصها تشرف على نزاهة هاد الانتخابات. طبق الي طبقاتو فكلميم. لقات مرشح من لحمامة كيفرق لفلوس ضربوه. دابا راه ولد زروال طالع سماسرية ديالو وكيقدم وعود خيالية غير باش ما يحضروش اعضاء نهار التصويت. فين السلطة فهاد الشي.
بلادنا بلا ولد زروال اكيد تكون احسن. لعب دور كبير باش ربحو الاسلاميين واخا جابوه باش يحاربهم. حقاش اللي فكر فولد زروال غبي ومتخلف. دابا غادي يعطي نتائج عكسية. بامثالو يقدرو يربحو اللي داو انتخابات 2016 وبقاو حاضيين غرفة الفلاحة.