تبون هبل وصافي. لصق فينا مشاكل منتخب بلادو فالكورة وهاجمنا على اتفاق مع اسرائيل

اختار الرئيس الجزائري تبون انتهاء زيارة وزير الدفاع الاسرائيلي للمغرب باش يخرج فصحافة بلادو. دار لقاء صحافي باين كان موجد ليه. طبعا الموضوع الاساسي بحال كاع خطاباتو كان هو المغرب. هاد الرئيس كيدخل حتى فالاتفاقيات اللي كيسينيها المغرب. قال باللي يأسف لاتفاق الرباط مع اسرائيل وباللي تهديد الجزائر من المغرب خزي وعار. هاد الشي فاشارة الى ما سبق وصرح به وزير خارجية اسرائيل يائير لابيد في الرباط هادي اشهر وقال فيه "كنتشاركو مع المملكة القلق بخصوص دور الجزائر فالمنطقة. راها ولات قريبة من ايران. دابا دايرة حملة ضد اسرائيل باش ما تكونش عندها صفة ملاحظ فالاتحاد الافريقي".
طبعا تبون لصق حتى مشاكل المنتخب الجزائري ومدربه بلماضي فالمغرب وقال باللي كيتعرض لهجوم داخلي ومن اعلام دولة ودار اشارة بيدو وكيقصد المغرب