سكان المضيق فمسيرة غير مسبوقة ضد الزعيترات: يا صاحب الجلالة هز علينا الشفارة" و"ابو زعيتر ارحل" و"العامل ارحل" =تصاور وفيديو

https://www.facebook.com/watch/?v=715267876392048&extid=NS-UNK-UNK-UNK-IOS_GK0T-GK1C&ref=sharing
خرجات اليوم الاحد 26 يونيو 2022 مسيرة غير مسبوقة فالمضيق ضد الزعيترات والارض اللي نوضات الصداع وخداوها باش يديرو مشروع فيها.
المسيرة دارتها "جمعية الدفاع عن حقوق الانسان". المحامي والحقوقي لحبيب حجي اللي سبق ادان طريقة تفويت هاد المشروع للزعيترات كان مهندس هاد المسيرة لانو هو رئيس الجمعية. شارك فيها حقوقيون واللي تضررو من "استغلال" النفوذ بمنطقة مارينا سمير، وقفة احتجاجية اليوم الاحد، ضد اللي سماوه "تورط عامل المضيق في فضيحة تفويت هكتارات من الملك البحري لأبوزعيتر وحرمان العشرات من المستثمرين الآخرين".
المسيرة لي تدارت فمارينا سمير ترفعو فيها شعارات صعيبة، بحال "يا صاحب الجلالة هز علينا الشفارة"، وكانت شعارات سبق وترفعات بحال "ابوزعيتر ارحل و"العامل ارحل".
https://www.facebook.com/watch/?v=3119023261670270&extid=NS-UNK-UNK-UNK-IOS_GK0T-GK1C&ref=sharing
وادان الحبيب حاجي تصرفات العامل وقال فتصريح خلال هاد المسيرة :"جا العامل وصاحب النفوذ الاستثنائي وخدا مارينا كاملة"، مضيفا :"دبا ما غانلقاوش فين ندوزو حيث كاينا رخصة ديال جيتسكي".
واضاف "الخطورة هو ان لي عطا هاد الرخصة لي تعطات لأبوزعيتر يعني ممكن يدير خروقات اخرى". طلب من السلطات تنتابه لهاد الخروقات وما تعطيش رخص غير قانونية.
المحامي والحقوقي قال بللي "لا يصح الا الصحيح، ونحن ندافع عن الدولة في تنفيذ القوانبن ونساعدها في منع الخروقات وفي الكشف عن المسؤولين الخائفون الذين يستغلون الفرص".