"الكاف" صادق للوداد والرجاء على ترخيص مهم قبل ما يلعبو فالعصبة

تحصل كل من الوداد والرجاء الرياضيين على الموافقة الرسمية ديال الإتحاد الإفريقي لكرة القدم، باش يشاركو فالنسخة الجايا من عصبة أبطال إفريقيا لكرة القدم.
وصدر الإتحاد الإفريقي لائحة مكون من 58 فريق إفريقي كينتميو ل 46 إتحاد وطني فالقارة السمراء تم الترخيص لهم بالمشاركة فالمسابقة ديال صعبة أبطال إفريقيا وكأس الكونفدرالية الإفريقية ومن بينهم الوداد والرجاء لي غيمتلو المغرب فا شومبيونزليغ الموسم الجاي.
الكاف منح الترخيص للفريقين الوداد والرجاء من بعد تدخلات ديالو الجامعة الملكية المغربية لكرة القدم، لي لعبت دور كبير فحل مشاكل الفريقين وأغلبها نزاعات مع لاعبين ومدربين سابقين، بحيث تم حل ملفات وتقديم ضمانات فملفات اخرى، والتدخل لتسريع صرف منح باش الفريقين يقدرو يحلو المشاكل كيفما وقع مع الوداد فمنحة الفوز بالعصبة، الأمر لي مكنو من تسوية مجموعة من القضايا.
وإلى جانب الوداد والرجاء لي غيلعبو فعصبة أبطال إفريقيا، فحصل كل من نهضة بركان والجيش الملكي على الرخصة باش يلعبو فكأس الكونفدرالية الإفريقية مع العلم أن الفريقين ما عندهومش مشاكل ديال النزاعات أو مشاكل فالسيولة المالية.