عموتة بدا البريباراسيون للشان…عيط ل24 لاعبا واللائحة فيها لعابة جداد

الحسين عموتة، مدرب المنتخب المحلي بدا بريباراسيون بكري لكأس إفريقيا ديال الشان، لي غادي تكون فأبريل بالكاميرون.
عموتة عيط ل24 لعاب باش يدخلوا في كونسونتراسيون في مركز محمد السادس في المعمورة نهار الاثنين الجاي حتى الجمعة المقبل.
اللائحة، لي حددها عموتة، ما فيهاش لعابة من الوداد والرجاء البيضاويين وحسنية أكادير ونهضة بركان، بسبب مشاركة هاد الفراقي عي عصبة الأبطال الإفريقية وكأس الكونفدرالية الإفريقية لكرة القدم “كاف”.
ولأول مرة عموتة كيعيط ل5 ديال اللعابة من القسم الثاني و19 من القسم الاول. وها اللائحة لي كشف عليها عموتة:
هشام المجهد من اتحاد طنجة، ومحمد أمسيف من الفتح الرباطي، ومحمد باعيو من الجيش الملكي، طارق أستاتي من اتحاد طنجة، أنيس الضو من الراسينغ البيضاوي، جمال حركاس، وعبد الله خفيفي ثم إسماعيل خافي من المولودية الوجدية، أيوب بوشتى وسعد اللمطي من نهضة الزمامرة، عبد المنعم بوطويل، وعمر الجيراري وعماد الرحولي من الجيش الملكي، فيصل الحدادي وإسماعيل المترجي من شباب المحمدية، رضا الجعدي وأنس باش من الفتح الرباطي، شعيب المفتول ووالمهدي قرناص من الدفاع الحسني الجديدي، نبيل الجعدي من رجاء بني ملال ، أسامة المليوي ومروان زيلا من الاتحاد البيضاوي .