الاتحاد البرتغالي: ها حقيقة تمرد رونالدو على المدرب ورحيلو قبل ماتش المغرب

تفاعل الاتحاد البرتغالي لكرة القدم بسرعة مع المعلومات اللي راحت هاد الصباح عن تهديد كرستيانو رونالدو قائد البرتغالي بالرحيل عن منتخب بلادو حيث المدرب فيرناندو سانتوس ما لعبوش أساسي ضد سويسرا فالماتش الماضي فثمن نهائي كأس العالم قطر 2022.
وخرج الاتحاد البرتغالي فبيان رسمي له باش ينفي هادشي وقال أن كريستيانو رونالدو لم يهدد فأي وقت من الأوقات مدرب المنتخب الوطني البرتغالي فيرناندو سانتوس، بمغادرة المنتخب الوطني خلال فترة التدريب في قطر.
وأكد الاتحاد البرتغالي بلي كل يوم كيدوز كريستيانو رونالدو فالمنتخب البرتغالي كيعطي فيه خدمة لبلادو، ويتحتارم على هادشي حيث كيشهد له بالالتزام تجاه المنتخب الوطني البرتغالي.
وزاد الاتحاد البرتغالي لكرة القدم وشدد بلي الدليل على التزام كريستيانو رونالدو تجاه المنتخب هو أنه جلس فالاحتياط فالماتش ديال المنتخب ديالهم ضد سويسرا فثمن نهائي المونديال، واللي سالا بنتيجة 6 لواحد للبرتغاليين.
وكمل الاتحاد البرتغالي لكرة القدم وختم وقال: "المنتخب الوطني بالمكونات ديالو من لعابا والمدرب والأطقم ديال الاتحاد ملتزمون بزاف ومتحمسين، من أول يوم باش يحققو داكشي اللي باغيا البلاد وتكون نسخة مونديال 2022، هي أفضل مشاركة للبرتغال على الإطلاق في كأس العالم".