فضايح بودريقة فتفراق التيكي ماتش المغرب فالمونديال كبرات. قلقات الوداديين والسياسيين اللي تاهموه بتوزيعها على صحابو

فضايح كبيرة دايرها عضو مكتب جامعي اللي هو محمد بودريقة بسباب التيكي ديال ماتش غدا بين المغرب وفرانسا فنص نهاية كأس العالم 2022 فقطر.
هاد العضو رجع مهمة كلفاتو فيها الجامعة٬ طريقة ينتاقم منها من كلشي. وقعات مشاكل بين الوداديين والرجاويين لان هاد صاحبنا رجاوي. فغياب مراقبة لهاد التيكي اللي كتشريهم الجامعة من الفيفا مباشرة وقع تخلويض كبير بزاف. عدد من هاد التيكي توزعات فكاباري فاوطيل مشهور ف"پيرل" بالدوحة.
صاحبنا فرق على صحابو فالحزب. كاين شي وحدين من فاس ومكناس جابو معاهم صحاباتهم وتفرقو عليهم التيكي وعلي الصحابات والعائلة. اللي ماشي من حزبو ما كياخد والو.
حتى واحد من عائلتو اللي ساكن معاه فنفس لوطيل فالدوحة لقاوه كيرسل ميساجات فيها ثمن تذاكر النصف
تفاصيل هاد لفضيحة وفضايح اخرى فيها تزوير توقيع لشي مغاربة باش ياخد فبلاصهم تذكرة "ڤي آي پي" من الفيفا وعطاها لصحابو٬ غاديين نرجعو ليها.
اليوم نركزو على ماتش المغرب ضد فرانسا فنص نهاية كأس العالم قطر 2022.
هاد فكرة تيكي فابور فكرة عوجا من اللول. الفابور ديما كيسالي بالمشاكل كيف ما كان الهدف منها. ما كانتش تكون من اللول