نقابة موخاريق فجامعة سطات صمكات الكاتب العام ديال كلية الحقوق: كيفاش هادا دازو گاع الفضايح فعهدو وموظفين تابعين ليه مشاو للحبس وهو حالف مايتحرك من بلاصتو؟ شكون كيحميه؟

الدراري ديول المكتب الجهوي ديال نقابة الاتحاد المغربي للشغل لرئيسها هو موخاريق مرمقوها مع كوثر المومني الكاتب العام ديال كلية العلوم القانونية والسياسية بسطات، من بعد شلا فضايح ساهم فيهم ومزال كيمارس خدمتو عادي وبحالا تاشي حاجة موقعات.
وقالت بيان ديال النقابة توصلت به "گود" كيفاش هاد الكاتب العام لي هو من الحرس القديم متعاقبش واخا الفضايح وقعات فالعهد ديال مع جوج ولايات ديال عمداء ودابا راه فولاية ثالثة.
وكيقول بلاغ النقابة ان هاد الكاتب العام كيرقي غير صحابو وكيحگر على الاخرين، ومخدمها تبوليس وتصنات على الناس.
هاد الشي غير شوية من لي جا في ذاك البيان، ايوا كيفاش الجنس مقابل النقط داز وهذا كاتب عام وفي 2016 الناس حذروه وجابو ليه محادثات وخزنهم، وكيفاش موظف محكوم دابا ب4 سنين ديال الحبس وهو كيشتغل تحت امرته وهو مزال في بلاصتو.
ودابا كاينة تحقيقات على التوظيفات والسيد فبلاصتو ممحركش، واش كاين شي حد مورك على العميدة الجديدة باش تخلي هاد الكاتب واخا هاد الفضايح ديالو كامل، واش الوزير مكيشوفش هاد الشي لي واقع.