الوداد ربحت الماص والحمرا كتواصل صدارة البطولة

كيواصل الوداد الرياضي صدارتو للدوري الاحترافي وهادشي من بعدما ربح هاد العشية فستاد دونور، فريق المغرب الفاسي بنتيجة واحد لزيرو فالدولة 15.
وسالا الشوط الأول ما بين الواك والماص تعادل زيرو لزيرو، وتسناو الوداد حتى الشوط الثاني عاد قدرو يماركيو بواسطة المتألق أيمن الحسون اللي نجح وهز شبكة الماص بهدف فالدقيقة 53، وظلت النتجية كيف ما هي حتى سالا الماتش.
هذا الرباح اللي حققو الوداد على المغرب الفاسي جعل الفريق الأحمر يبقى فصدارة البطولة واخا الجيش الملكي ربح بطولة الخريف ولكن الحمرا كتقاسم مع ليفار المركز الأول بنفس الرصيد 31 نقطة، أما المغرب الفاسي بقات عندو 21 نقطة وكيحتل المركز 6.