المُمثلة فاطمة وشاي : "اللّي بْغَا الحرية يْجيب خْتو يعرِّيها"

مُتابعة : عبد الرحيم القاسمي

كشفت المُمثلة المغربية القديرة فاطمة وشاي التي حلّت ضيفة على برنامج "في قفص الإتهام" على ميد راديو أمس الجُمعة ،عن نظرتها الى الأعمال الفنية المغربية وقالت في هذا الصدد "أنا ما عنديش مع الفن اللي فيه الإباحية او اللي كيروج لشي إيديولوجيات معينة، هاد الفن كيفلس المجتمع..ملي بديت السينما في 1981 رفضت نشتغل في شي أعمال كتمس بالأخلاق، ومرة أخرى مثلت في فيلم فرنسي وكان فيه لقطة في شكل ووصلت ليها وحبست التصوير..والمخرج اللي بغا الحرية يجيب ختو يعريها".
وعن وصفها لبعض المُخرجين بالشواذ قالت المُمثلة وشاي "أنا حريصة على آش كنقول، وقلت أغلب المخرجين شواذ، واللي مراض بالشذوذ فهموها كيف ما بغو، أنا عنيت الشذوذ وهو الخروج على العادة، واللي ضرو خاطرو راه المحكمة يدعيني..هم شواذ يمارسون شذوذهم عبر الأفلام، ويلا ما كانش عندهم فكر شاذ غادي يفهموني".
وأشارت الفنانة القديرة الى جوانب من الإستغلال الذي يتعرض له المُمثل المغربي وقالت بخصوص هذا الأمر "مازال كارية الدار في حي الألفة في الدار البيضاء، وما عنديش ملك خاص، عندي محبة الناس هي كنز الدنيا، والله يا سيدي كون مشيتي للبنك غادي يقولو ليك ما دخلاتش ريال واحد منذ سنتين.. المهنة ديالنا فيها بزاف ديال الاستغلال، واللي غني في هاد الحرفة راه غني من الأصل ديالو".