عداوي 10 : اللسان مافيه عظم

أجي.. صدام حسين تعدم؟ (صمت)
القدافي تا هو؟
بلادن !
بنعلي هرب أو حسني مبارك طريح الفراش.
هاك أويلي هاك.. شفتو أش كلت ليكم فيلم دايراه المريكان كتضحك على العرب.
آل حسني مبارك آل
آل القدافي آل..
بنعلي يحيد. زوينه هذي، هادو مدوخين (يضحك بسخرية قابضا فمه يريد كثمان الضحك)
صدام تعدم أو شكون اللي عدمو. العراقيين، نكتة واش من نكتة علاه كران صدام كيتعدم.
تا مدوخ أولا مالك
تا اللي مدوخ.. (مخاطبا نفسه)
تا اللي مدوخ
وسير تنبك السياسة بعيدة عليك وتا سير سير ذهن السير يسير كلاك الرشوة يعاقب عليها القانون لاو يعاقب عليها السانتتزور وتا سير شوف ليك شي جرية ديرها. مدوخ أولا مالك.. ملي تحيد الرشوة باش الناس غاد تبني الطاج الثاني والثالث.
إو أبغيتي نخلص 400 درهم إلا حركت الضو الأحمر تا مدوخ وتا سير سير.
المهم ما عندنا غرض أنا ع داوي.
هو الفال مزيان عمتي الله يرحمها كانت ديما كتسفايل بشي حاجة وغير السميات كاين اللي سميتو فال خير عليه. كاين اللي كيفتح عينو فالدنيا كيلقى راسو اسمو رابح سعدان.
أو كاين اللي سميتو ميلود بوكدرة أولا الجيلالي الزيبق أش ناهي الجيلالي الزيبق. أولا الخاركو، قميزي، همهم، ولد الفرجية، الزعكور، عميشة، سناسلو، المدنكس.
أو كاين بن جلون، بن سيمون، بن ميمون، بن كيران إو بن كيران خلاق قرا أو خدم أو تسيس أو تحبس أو مع ذلك ما هداها تا الفوك علاش حيث من الأول هو بن كيران.
أو كاين اللي كيتسفايل بشي نبي هذاك تا هو كيقضي الغرض بحال بن عيسى أولا بن موسى.
إو بوكدرة كيبقى مسكين اللور اللور. إلى طلع تا طلع كيولي كابران أولا كارضيان أولا عريان كيحك للناس فالحمام.
أو كاين اللي سميتو الرباح رابح مع راسو أو كاين الوردي Rose واكف عالصح، صحيح مع راسو أو كاين الهمة. اسمعني السميات.
مشي أحمد ولد الكابران أولا كويرة سميات نص كم ولا الباكوري ولا زعطوط، الزنفيري، أوسير أو سير.
عاد الألقاب، ها بيكيرة ها الاعرج، الراندو، القب، ولد النخ، بزيوة، برط، مح، الكعو، بعيكش، سماقلو، زكرم، طعيزة، كرندل، عوبي، البزط، الناءة، الخم، زوفيط، الكعص، كريمع، الزنزاني، مينيقة، بوطبسيل، بوركبة، بو قنبة، بوبريص، بوكرين، بومارشي، بودلير، بوبدايلن، بوب مارلي، بودربالة.
أيو أيو بو مارشي بوب دايلن، بودربالة راهم أقطاب في الأدب والفن والرياضة أش أش كتخربق.
واسيدي أنا ع داوي واللسان ما فيه عظم..
أجي .. تخيلوا كون كان اللسان فيه لعظم.
هي في الحقيقة كاع الحاجة اللي ما فيها عظم كتجي من وراها ع الكوارث.
اللسان..... ( صمت) المهم ما عندنا عرض.
تخيلو معاي كون اللسان فيه لعظم، كون الواحد إلا تهرس من لسانو غدي يهني الدنيا كتسمع الصقيل والهدوء، إلا بغى عيتخاصم ما يقدرش وتلقاه كيعاود لصاحبو: