هل بين اللاعب المحلي من صنع البطولة الوطنية، والمحترف الذي يلبس أقمصة أوروبا ، مقارنة في الهواية والذات والوطنية و···و···؟ وهل لدينا أفضل اللاعبين بالبطولة أقوى بكثير من المحترفين؟ وأي مقارنة نضعها في اللغات المفهومة وغير المفهومة عند المحترفين على لسان المحليين بمثل ما صرح به يوسف حجي في واحد من حواراته (المقنبلة) للمنتخب في عدد الإثنين الماضي؟ ووفقا لهذه الأسئلة النارية، إقرأوا جيدا هذا الحوار داخل معسكر منتخب ما؟ - المدرب: >مرحبا بكم·· أنتم تمثلون بلدا له سمعة وتاريخ كبير في الكرة، وأنا مدربكم سيحميكم وسيصنعكم بالنتائج والأحلام والتتويج (طبعا يتكلم بالفرنسية والعربية وبعض اللغات الأخرى)··<· - لاعب لا يفهم الفرنسية: >واش حنا فرانساويين، وادْرجْ أسي المدرب<· - لاعب لا يفهم العربية: >هو ذنب عائلتي، ولكنني مغربي ومن حقي أن أدافع عن راية بلادي، كما من حقي أن أكون اليوم منفتحا على تعلم العربية وحفظ نشيد الوطن<· - لاعب (بركاك): >أش جاوْ يْديرو المهاجرين عندنا، جاو يتنزهو ويضحكو علينا·· كايلعبو في أوروبا بالقلب وهنا كيتفشو علينا<· - لاعب محترف يفهم العربية: >وأنت طفّْرتيها·· شوف راسك كيفاش صْبْحتي دولي·· وفين تاتلعب·· ومعا من تتلعب·· أما احنا تربينا وتكونا في الإحتراف<· - لاعب (بركاك): >اعْرَفتِي أشدير·· يا الله نحرقوهم في الماتش ونْتْمَكْْرْهو عليهم، وما نعطيوهومش الكرة، وهو ما اللي غايْعَيْبوا عليهم الجمهور والصحافة<· لاعب محترف يفهم العربية: >احنا مغاربة بالروح والدم والحس، وما قبلنا نجيو للمغرب إلا باش ندافعوا على الراية، ويلا معطيتوناش الكرة غانقلبوا عليها حتى ولو رجعنا، اللور·· وغانشوفو شكون الحْكَّارْ، واش هو اللعاب ولا المدرب<· - المدرب: >أش هاذا·· بدات الفوضى؟ أنا ما قولتش ليكوم تلعبو هكذا·· كل واحد يلعب فْبلاصتو<· - لاعب محترف: >أسي المدرب·· احنا ماتَنْلعبوش هكذا في فْرْقتْنا·· وما عندنا تمكريه ولا حْرِيك·· احنا محترفين وماشي هواة، والدفاع والوسط هما اللي يعطيونا الكرة يلا بغاونا نماركيو<· - لاعب لا يفهم الفرنسية والأنجليزية: >هادوك كيهدروا علينا·· والله حتا نعمل عليهم الهدارة والنقابة، وغانشوفو شكون غايربح<· - المدرب: >أنا ما فْهْمْتْ والوا·· واش كيلعبو عليَ·· والله حتا نْوْضَع حَدّْ لْهَادُوك المحترفين في الماتش الجَّايْ· - المدرب: >أنا غلطت·· وكيفاش غَانْرْجَّعْهُوم في الماتش الجاي·· وهم اللي فضحني واحد منهم وفْضَحْ حتى حرب التكثلات وأخطاء لاعبي الهواة··<· - لاعب هاوي: >خاص نرجعو للبطولة باش نحافظ على بلاصتي في المنتخب ونكون أنا باها، والمحترفون ماعندهوم ما يديرو عندنا<· - لاعب محترف يفهم العربية: >أنت مغربي واحنا شكون؟ أنت حكار·· وغدا غاتعرف شكون انت وشكون احنا·· وكيفاش وصلتي تلعب الكرة وما قبلك حتا حد<· - فضولي: >واموصيبا هذي واش هذا هو المنتخب هذا مخسرنا وهذا محكور، وهذا ناعس·· وزيد وزيد·· فينك المدرب، و فينك أالرئيس·· حيدو علينا "السوسة" ولا سيروا فحالكوم كلكم<· - فصائل اللغات الأخرى: >واحنا شنو ذنبنا يلا ما فهمناش الفرنسية والعربية·· احنا كانتكلمو الأنجليزية والهولندية والأمازيغية·· واش حنا ماشي مغاربة·· واحنا كانحبو منتخبنا، وما عرفناش هادشي حاصل<· - لاعب بركاك: >واشنو عملتي كاع·· تتماركي برا وهنا كاتضحك علينا<· - فصائل اللغات الأخرى: >مافهمنا والو آش كيقول هذا·· وهو بعدا كوايري، والحق الذنب فالمدرب اللي ماكايعرف والوا من هذا الصداع<· - المدرب: ما فهمت والوا·· أنا اعطيتهم خطة، وشحنتهوم بكل شي باش يلعبوا بالقتالية، ولكن شمتوني واخسروا الماتش··<· - فضولي: واش عرفتي كيفاش خسرتي، واش شفتي الدفاع والوسط·· كيفاش بغيتي توصل الكرة لقدَْامْ·· وعلاش ما لعبتيش باللي قصيتهم·· أنت المسؤول الأول·· وكولشي مسؤول·· والمصيبة الكبيرة هي السوسة فالفرقا واش فهمتي<· أعذروني عن تحرير العمود بالعامية لأنه حوار مفهوم ومقصود بالدارجة، أكثر مما يكون مفهوما بالعربي الفصيح··
