عاجل.. تفتيشية الميراوي وصلات هاد الصباح لكلية الحقوق فسطات باش تحقق فموضوع الموظف لي سجل طالب وها التفاصيل الجديدة فالملف

كشفات مصادر "كود " ،ان اليوم الصباح جات المفتشية العامة ديال وزارة التعليم العالي والبحث العلمي والابتكار لكلية العلوم القانونية والسياسية فسطات باش تبدا تحقق فملف تسجيل طالب بباكالوريا قديمة بمقابل مع اختراق نظام "أپوجي" ديال الكلية من طرف موظف فالمدرسة الوطنية للتجارة والتسيير.
Loading Ad
00:00
/
00:00
اللجنة التفتيشية لي صيفطها عبد اللطيف الميراوي هاد الصباح، او اي تترأسها المفتش العام دخلات لكلية العلوم القانونية والسياسية باش تشوف ذاك الشي ومن بعد يمكن تمشي حتى للمدرسة الوطنية للتجارة لي كينتمي ليها الموظف .
مصادر ديال "گود" أكدات ان الطالب المعني شافوه لبارح في المقاطعة الخامسة فسطات ومعه الموظف المعني وشي وحدين كيليگاليزي في تنازلو على الشكاية لي سبق وحطها عند عمادة الكلية، ولكن الموظف هدد بللي مغيمشيش بوحدو وغادي يجر معه لي كانو سبب ومنهم العميد نجيب الحجيوي لي كيتاهمو بللي هو لي ضغط عليه باش يسجلو.
المهم كيف قالت ليكم "گود" الملف فيه عصابة من خارج الكلية فعهد هاد العميد لاسم ديالو تتجبد في ملفات الخانزة .