مالين فضاء استراحة فسطات طاحو بسباب غسيل الأموال.. ها تفاصيل الملف وموعد الجلسة ديالهم

كشفات مصادر "گود" أن رجال أعمال فسطات، وعلى رأسهم ملاك فضاء استراحة معروف فالمدينة، غارقين فجرائم غسل الأموال ودابا راهم متابعين من طرف القضاء وغاتكون عندهم جلسة فالمحكمة الابتدائية الزجرية عين السبع فكازا.
وعلى حساب ما أكدات مصادر "گود" فالمتهمين، للي هم (ج. ر) و(ج. ع) و(ح.ع)، (د. أ)، و(ك. ع) كلهم مشتبه في تورطهم فغسيل الأموال، وجلسة المحاكمة ديالهم غتكون نهار 20 فهاد الشهر، والقاضي عطى مهلة لاستدعاء المتهمين "المخزونين".
وسبق لموقع "گود" انجز تحقيق كشف فيه القرار القضائي ديال الحجز على گاع الممتلكات ديال مول هداك الفضاء بسباب قضية تبييض الأموال، وعندو حتى شبهة التزوير في ملف واحد آخر لي متابعين فيهم هاد الخوت فحالة سراح من بعد ماحطو زبالة ديال الفلوس على ود كفالة مالية دارها قاضي التحقيق باش يتابعو في حالة السراح.
الإخوة صحاب الفضاء سبق واستافدو من المتابعة في حالة سراح من قبل وكيل الملك السابق.
وقد أثار قرار المتابعة في حالة سراح تداعيات خطيرة بسبب ملابساته وظروفه سيما أن ضحايا مافيا العقار بسطات والجمعية الخيرية الإسلامية اكتشفوا أن أحد هؤلاء الأخوة دخل الجمعية بصفته عضوا من أجل استغلال عضويته للاطلاع على وثائق الجمعية وعقاراتها التي توجد في ملكية أجانب، ثم بدأ التحضير للسطو عليها بالتزوير في محررات وتوقيعات منسوبة لأشخاص أجانب.
وحساب المصادر ذاتها، هاد الملف مزال غادي يطيح ناس خرين وهادي شي للي كتسنا ساكنة سطات.