وليد الركراكي: داكشي اللي درنا فكوب دي مونود خاصنا ننساوه ونركزو على كوب دافريك وها علاش ما كناش مزايانين فماتشات يونيو

أكد الناخب الوطني وليد الركراكي، ان المنتخب الوطني المغربي والكرة المغربية ولات معروفة عالميا، بعد انجاز كاس العالم ولكن دابا خاصهم يوجدو لكوب دافريك.
وتحدث الناخب الوطني وليد خلال الندوة الصحافية اللي كتسبق المنتخب المغربي وليبيريا: "المغرب والا على خريطة الكرة العالمية، وخدامين دابا باش ننساو، شنو درنا فالمونديال حيث صافي داز، كاين اللي كيقول ان كاس افريقيا ماشي هو كاس العالم، ولكن انا كنقول خليهم يقولو اللي بغاو".
وكمل الركراكي وقال: "يمكن شي وحدين يقولو ان المغرب ما غيربحش كاس العالم، وداكشي لي درنا فالمونديال غيبقى فالتاريخ، وراه خلصنا على هذا الشي فيونيو اللي فات، حيث ما بناش فهادوك ليماتش بالنيفو ديالنا، غير هو راه الاختيارات اللي دارنا كانت لمصلحة المنتخب الاولمبي باش يوجد لكاس افريقيا U23، وراه حربنا حتى شي لاعبين والمهمين الاسود يكونو واجدين لكوب دافريك".