لابين بيجي استمعات لجميع الضحايا اللي تصابو بالعمى فسبيطار 20 غشت بكازا ورسلات عينة من الدوا لمختبر د البوليس

كشفات مصادر "كود "، أن عناصر الفرقة الوطنية لشرطة القضائية لي كتحقق فملف مابات يعرف عند الرأي العام بفضيحة 20 غشت بكازا، وللي تصاب فيها اكثر من 15 واحد بالعمى مللي دكو برا في عينهوم، استمعت لجميع المشتكين في الملف .
المصدر نفسه قال، إن عناصر الفرقة الوطنية استمعت كذلك إلى الصيدلاني لي باع الأدوية او خادت عينة من هاد الدوا او رسلاتو لمختبر ديال الشرطة باش تدار ليه الخبرة لتحديد الأسباب الحقيقية في انتظار الاستماع إلى الطاقم الطبي لي كان نهار الحادث، وذلك بناءا على تعليمات النيابة العامة المختصة.
تفاصيل هاد القضية، كترجع مللي أشخاص دارو حقنا على مستوى الأعين، قبل أن يتفاجؤوا بعدم القدرة على الشوف الأمر لي خلا أهالي الضحايا يقدمو شكاية إلى إدارة المستشفى ومن بعدها إلى الوكيل العام بكازا لي حال هاد الشكاية على الفرقة الوطنية باش تفتح تحقيق فالموضوع للي هز الرأي العام الوطني.