لابين پيجي استدعات مسؤول سابق في ENCG سطات والتحقيق يقدر يوصل لشركات كتعامل مع المدرسة

التحقيقات ديال الفرقة الوطنية ديال البوليس مزال خدامة في جامعة الحسن الأول بسطات هاد المرة وتحديدا نهار الجمعة استدعات لابين بيجي المدير السابق ( ر ،و ) باش تحقق معا وعلى ما يروج انه كينين ملفات تقيلة.
وحسب مصادر "كود" ، من بين هاد الملفات، الملف ديال 400 مليون لي نصب فيها احد المقاولين على بنك القرض الفلاحي بضمان انه عندو مارشي مع المدرسة الوطنية .
المصدر ديال "كود" قال ،ان القرض الفلاحي اضطر يمشي للقضاء و يحجز على الحساب الخاص ديال encg سطات، و لي بدورها دارت تصريح مفاده انها معمرها تعاملت مع هاذ الشركة ولا مولاها وهادشي مزال القضاء غادي يقول فيه الكلمة ديالو.
الملف الكبير التاني هوا ملاحظات المجلس الاعلى للحسابات لي قال فيها انه كين بزاف ديال الروينة فسندات الطلب و من المحتمل ان شركة تدبير التكوين المستمر حتى هي غادي تكون فصلب التحقيقات لي باشرتها الفرقة الوطنية مما خلى رئاسة جامعة الحسن الأول توقف جميع الشركات لي مكلفة بالتكوين المستمر ولي خدات ملاييير السنتيمات، خصوصا لي فالمدرسة الوطنية للتجارة والتسيير.