بودريقة حدد موعد لحساب مع البدراوي

حدد محمد بودريقة رئيس الرجاء الرياضي على اقامة الجمع العام التكميلي للنادي لمحاسبة الرئيس السابق عزيز البدراوي، على المرحلة اللي دورها فالخضرا واللي كانت كارثية من جميع النواحي ماليا وتسييريا والتداعيات ديالها مازال كيخلصوها الرجاء حتى لدابا.
وقرر محمد بودريقة بريزيدون الرجاء الرياضي اقامة الجمع العام التكميلي برسم الموسم الرياضي 2022/2023، وبالضبط الفترة بين 16/06/2022 و 30/06/2023، وهي الوقت اللي ترأس فيه عزيز البدراوي الرجاء الرياضي، وحدد له يوم الجمعة 12 يناير 2024، كموعد للإقامة ديالو، ودعا المخرطات والمنخرطين يحضرو له.
وغيكون الطرح سخون بزاف فهاد الجمع العام ديال الرجاء الرياضي حيث كلشي الرجاويين منخرطين وجمهور باغيين عزيز البدراوي يقوليهم فين مشات حوالي 9 المليار قال بلي دخلها وصرفها على النادي، فالوقت اللي كانت فيه المرحلة ديالو كارثية وأكفس مرحلة فتاريخ الخضرا اللي بسباب التسيير ديالو ما شاركتش أفريقيا هذا الموسم وخرجت 0 لقب الموسم الماضي.