السبيطارات مهددة بالشلل..كيفاش واحد من مسامير الميدة فالصحة مدير الموارد البشرية دار نفس أخطاء التعليم: مشا سنا مع النقابات ولوبي الأطباء للي ديما كيستفد ومخلي الفرامليا والتقنيين والإداريين واكلين الدق واللي هوما لاماس ديال بصح فهاد القطاع

كي الصحة كي التعليم، هاد الأيام فالمغرب، كولشي باغي يخرج ويطالب ب"ميمي" (زيادات فالصالير وتعويضات عن الأخطاء المهنية)، والغريب ان اللي جامع هاد جوج قطاعات هو التدبير الإداري الكارثي للاحتجاجات، فالتعليم الوزارة تافقت مع النقابات وخرجات ليها التنسيقيات من جنب، كذلك فالصحة مدير الموارد البشرية مشا اتفق مع لوبي الأطباء وبعض ممثلي النقابات اللي مستفدين من الريع فالصحة وخلا التنسيقيات والممرضين.
فشل تدبير الموارد البشرية فقطاعي التعليم والصحة، يؤكد مجددا بلي المقاربة "الريعية" فالحوارات الاجتماعية القطاعية راه فاشلة مع ظهور تنسيقيات لا تؤمن بالنقابات ولا الانتخابات التمثيلية.
غير فقطاع الصحة، الوزير ايت الطالب مقدرش يحارب مسامير الميدة، من عادل زنيبر باش لي شاد جوج مديريات الموارد البشرية والتنظيم والمنازعات لي قصتو قصة، من سونتر دابيل إلى "متحكم" في دواليب التراخيص والمباريات، إلى عبد الوهاب مدني اللي شاد جوج مديري(التخطيط والوارد المالية، ات التجهيزات والصيانة) واللي هو من أبطال فضائح صفقات كورونا.
النقابات فشلت تكون بارشوك حقيقي فالتعليم، وفالصحة كذلك، هاد القطاع مهدد بالانفجار، قطاع عامر تخلويض وتلاعبات، والوزير ايت الطالب واخا يكون نزيه ومعقول (حسب شهادات مسؤولين وبرلمانيين ومعارضين له) صعيب يقاد بوحدو هاد القطاع. خاص شويا ديال الغربلة ويقاد الادارة ويجبد ملفات بعض النقابيين لللي كيحلبو سنويات من الادارة عن طريق البريمات والمناصب ووو.
دبا كاينا موافقة مبدئية من الوزير ايت طالب باش يكون تحفيز كل مهنيي الصحة عبر الزيادة في الأجر الثابت في أفق الوصول إلى اتفاق نهائي في أجل أقصاه نهاية يناير 2024.
النقابة المستقلة للأطر الإدارية والتقنية للصحة رفضات هاد الاتفاق وبغات بزيادة عامة صافية في الأجر الثابت لجميع موظفي الصحة بدون استثناء لا تقل عن 3000 درهم.
شكون كايدعم الاتفاق، ويا للعجب، هوما لوبي الأطباء. اخطر لوبي بعد لوبي المصحات الخاصة. في المقابل كنشوفو الممرضين الفئة الاكثر اشتغالا وتضررا مامستفداش, بطولة الممرضين وتقنيي الصحة فكوفيد الكل شاهد عليها. وطبعا هوما الكتلة القوية لاماس ديال بصح.
وينص محضر الاتفاق بين الوزارة والنقابات، على التوافق على تحسين شروط الترقي في إطار المراسيم التطبيقية للوظيفة الصحية والأنظمة الأساسية المتخذة لتنزيلها، مع إدراج مقترح إحداث درجتين لجميع الفئات بهذه النقطة، وكذا مقترح الترقية بالشهادات.
واتفق الموقعون على مواصلة التشاور بخصوص تطبيق المادة 13 من قانون الوظيفة الصحية، لاسيما مواقيت العمل مع الرفع من قيمة التعويضات عن الحراسة والإلزامية والمدامة والأجر المتغير، فيما توافقت الوزارة مع النقابات على إحالة المطالب المالية على السلطة الحكومية المكلف بالميزانية.
وتم الاتفاق كذلك على إحداث الإطار الصحي العالي لفئة الممرضين وتقنيي الصحة، وإحداث تعويض عن التخصص لفائدة خريجي المدرسة الوطنية للصحة العمومية، والمعهد الوطني للإدارة الصحية سابقا، غير المستفيدين من هذا التعويض، ومنح ترقية استثنائية للممرضين الاعداديين والمساعدين.
وجاء في المحضر :"منح سنوات اعتبارية لبعض فئات الممرضين غير المستفيدين منها بما يتناسب وأقدميتهم الإدارية إضافة للممرضين الذين ولجوا الوظيفة العمومية بالسلم 9، الممرضين ذوي سنتين من التكوين، والممرضين ذوي 3 سنوات، والممرضين الذي سبق لم أن كانوا متصرفين".
كما تم الاتفاق على إحداث أنظمة أساسية خاصة لتصمن تعويضات جديدة ولاسيما مراجعة التعويضات عن الأعباء والتأطير والمسؤولية لجميع فئات مهنيي الصحة، وتسوية ملف الأخطار المهنية لفئة الأساتذة الباحثين الموظفين بوزارة الصحة، ودراسة توحيد نظام التقاعد لجميع مهنيي الصحة في إطار الصندوق المغربي للتقاعد بناء على مقترحات الهيئات النقابية.