المركز الثقافي المغربي بباريس. ولد والعلو هو اللي رابح من هاد الصفقة. السياسيون ورثوا لولادهم الاسم باش يربحو الصفقات

مشروع المركز الثقافي المغربي اللي غادي يكون بشارع سان ميشال بقلب العاصمة الفرنسية باريس على مساحة 320 متر مربع اللي ربح منو ماديا اي خدا الصفقة هو توفيق والعلو وهو ابن فتح الله والعلو وزير المالية الاسبق وعمدة الرباط سابقا والقيادي في حزب الاتحاد الاشتراكي.
المشروع فيه 7 مليون اورور وغادي يتفتاتح 2018 كان تقدم البارح للملك محمد السادس والرئيس فرانسوا هولاند مهمته هو ان يصبح "واجهة حقيقية للثقافة المغربية في تنوعها وسيساهم في التعريف بتراث وتقاليد المملكة، كما أنه سوف يساعد على التعريف في فرنسا بالمشهد الفني المغربي المعاصر في إطار روح الشراكة بين المؤسسات الثقافية المغربية والفرنسية". المقر كاين ف115 من الشارع المشهور. بلاصة تاريخية حقاش كان فيها مقر جمعية الطلبة المسلمون من شمال افريقيا
يعني اللي خرج رابح هو توفيق والعلو. السيد غادي يشرف على المشروع. السيد بان فالتلفزة وهدر مع الصحافة وتسوق اسمو اللي اصلا معروف. فهاد لبلاد كاين غير اولاد فلان. صعيبة على اللي ما عندو بو يدير بلاصتو