هاد الشي كلو ما مفهومش: حتى ناض الصداع عاد خرجات المحكمة الابتدائية باكادير كتكول باللي حكمها فقضية رئيس جهة الداخلة وادي الذهب لا يتعلق باقالته

هاد الشي كلو ما مفهموش ولكن كيدل بللي قضية رئيس جهة الداخلة واذي الذهب الخطاط ينجى سيسوها من الفها الى يائها. كيفاش رئيس المحكمة الادارية باكادير اللي صدرات حكم وكلشي هدر عليه وتنشر فوكالة الانباء الرسمية سكت حتى بعد خرج حزب الاستقلال رسالة جوابية لوزير العدل على استفسار الحزب وولى الملف كبير بزاف وكان غادي يشعل المنطقة ومازال عاد السيد الرئيس خرج ببيان.
رئيس المحكمة قال في بيان توصلت به "كود" ان "الدعوى موضوع الملف 2016/7110/47 لا تتعلق باقالة رئيس جهة الداخلة وادي الذهب ولا بمركزه القانوني كمنتخب وانما تتعلق بالطعن في قرار اداري" واضاف البيان انه "قد صدر عن هذه المحكمة حكم عدد 797 قضى علنيا ابتدائيا وغيابيا في حق وزارة الداخلية وحضوريا في حق باقي المطلوبين في الطعن في الشكل بقبول الطعن وفي الموضوع بالغاء القرار ا الاداري السلبي الصادر عن وزير الداخلية وما يترتب عن ذلك قانونا".
دابا المحكمة ما خافيش عليها كلشي اللي قد يترتب عن حكم مثل هذا وكتجي تقول لا يتعلق باقالة رئيس الجهة. كلت ليكم هاد الشي ما مفهومش غير ناض عليهم الصداع وكلشي بدا يرجع اللاور. علاش ما شرحت والو النهار الاول